Marco de traballo
Ao adoptar os procesos e principios de InnerSource, as organizacións conseguen:
Unha xestión eficaz dos recursos, cunha mellor reutilización do código e do coñecemento e un mellor reparto dos costes entre as distintas unidades empresariais.
Innovacións ou melloras tecnolóxicas máis rápidas, xa que o código se desenvolve de forma colaborativa e transparente por medio das contribucións recibidas das distintas áreas da empresa interesadas.
Un equipo de traballo apoderado e máis comprometido, ao permitirlles formar parta da folla de ruta de desenvolvemento da compañía.
Maior innovación interna, que permite ao persoal propor novas ideas baseadas na tecnoloxía e coñecementos da empresa.
Pero calquera proxecto, incluso os de software libre, necesitará un marco de traballo que poida axudar ao persoal a definir ou dar resposta aos seguintes aspectos:
Políticas claras de contribución e para a xestión da meritocracia (ou factocracia).
Ferramentas e canles de comunicación.
Unha cultura comunitaria.
Quen asume os gastos?
Métricas e KPI.
Vexamos pois o marco de traballo de InnerSource.
Gobernación
O dicionario define a gobernación como:
O establecemento de políticas e a supervisión continua da súa correcta aplicación polos membros do órgano de goberno dunha organización. Inclúe os mecanismos necesarios para equilibrar os poderes dos membros (coa responsabilidade asociada) e o seu deber primordial de aumentar a prosperidade e viabilidade da organización.
Para o software libre, a gobernación descríbese no documento «modelo de gobernación» de :
O modelo de gobernación describe os roles que poden asumir os/as participantes dun proxecto e o proceso de toma de decisións dentro do mesmo. Ademais, a gobernación describe as regras básicas para a participación no proxecto e os procesos para a comunicación e o intercambio entre o equipo e a comunidade.
Xeralmente, o modelo de gobernación é un documento escrito que contén:
As metas do proxecto.
A definición de infraestruturas de traballo, xestión e colaboración.
A definición dos roles e responsabilidades.
Os mecanismos de soporte na comunidade.
A descrición das políticas do proceso de toma de decisións.
A descrición das políticas do proceso de contribución.
A descrición das políticas e mecanismos de seguimento.
Infraestrutura técnica
Por infraestrutura referímonos ás ferramentas empregadas polo equipo de desenvolvemento no seu traballo diario en InnerSource. Con frecuencia, estas ferramentas inclúen:
Sistemas de xestión de código fonte.
Sistemas de seguimento de incidencias ou tarefas.
Listaxes de correo e foros de «preguntas e respostas».
Ferramentas de chat ou de mensaxería instantánea.
Sistemas de integración continua.
Sistemas de xestión de documentación e coñecemento (wikis).
A colaboración como cambio cultural
Crear unha comunidade comprometida é un dos puntos chave para o éxito e sostibilidade dos proxectos de software libre. O mesmo principio aplícase aos proxectos de InnerSource.
A xestión da comunidade é diferente á xestión tradicional de equipos de desenvolvemento, polo que os/as xestores/as de proxectos deben adaptar as súas habilidades ao novo escenario.
As comunidades de software libre son organizacións pouco xerarquizadas, nas que o liderado adoita ser máis importante que a estrutura de poder. As empresas que adoptan InnerSource necesitarán adaptar a súa estrutura organizativa na mesma dirección.
Financiamento
Nun escenario InnerSource perfecto, e baseándonos na cita de David Pink, vostede debería pagar o suficiente ao seu persoal como «para que o diñeiro non fose un tema de conversación na mesa».
Pero non adoitamos vivir en mundos perfectos e hai varios escenarios nos que o financiamento será fundamental para os proxectos de InnerSource:
Nos pagos en diferentes rexións xeográficas.
Cando hai traballadores/as que combinan o traballo de proxectos InnerSource con outros que non o son.
Nos costes compartidos entre diferentes unidades de negocio cun presuposto propio.
Proxectos desenvolvidos por unha combinación de persoal da empresa e subcontratado.
De novo, o software libre proporciona algúns exemplos de como obter financiamento para os seus proxectos e organizacións como Linux Foundation, Apache Software Foundation etc.; as cales, se trasladamos os seus principios «fundacionais» ás nosas compañías, poderían servirnos de referencia.
Medición de procesos
Por último, pero non menos importante, se falamos de xestión, a medición convértese nunha habilidade básica para nós. Máis aló de recompilar datos, os cargos superiores necesitan entender os obxectivos da organización e como empregar os datos recollidos para chegar a alcanzalos. Tamén cómpre coidar a forma de compartir eses datos cos equipos e o que queren conseguir.
«Recompilar datos é só o primeiro paso cara a sabedoría, pero compartir datos é o primeiro paso cara a comunidade.». Henry Lewis Gates (Profesor da Universidade de Harvard).
A medición aberta pode ser moi vantaxosa para a nosa comunidade InnerSource:
Conciencia; permítenos entender quen somos, que estamos a facer etc.
Control da gobernación, posta en marcha das políticas de seguimento.
Transparencia para xerar confianza externa, como para garantir a equidade na nosa comunidade InnerSource.
Last updated